TRAGEDIAS DE PRESONIA (2)

Sa die chi so ruttu presoneri
Il giorno che sono caduto prigioniero
la tenzo memorabile in sa mente,
ce l'ho impresso nella memoria
die trista pro unu gherrieri
giorno triste per un guerriero
chat difesu su sambene irredente,
che ha difeso il sangue irredento
chi non bi bastat ne pinna e ne tinteri
e non basta ne' la penna ne' il calamaio
a lu descrier poeticamente.
a descriverlo poeticamente.
Cumpagnos mi ndat mortu a ogni gradu
Mi hanno ucciso compagni di ogni grado
e deo po patire so campadu.
e io sono sopravvissuto per soffrire.

                            BARORE SASSU

NO CHELZO CHE PIANGAS MAMA MIA

Mama isconsolada ite mi naras
chi sò acculzu s'addiu a ti dare
abbrazzami chi mi che devo andare
nara cale auguriu mi preparas
tristu ti miro su risu in sas laras
las lagrimas prontas a ispuntare
no chelzo chi piangas mama mia
sa benedizione dammi ebbia

Ecco s'umanu e nobile decoro
De custu tempus felice e giocundu
Mamas e fizos in d'unu segundu
Restan brugiados in su lettu insoro
Istragge chi ha cummuvidu ogni coro
E terrorizzas su restu de su mundu
E cun custa malefica sosrpresa
Su terrorista custrintu este a sa resa

Moglie che saluta il marito che parte
 

Abbrazzami de coro caru isposu
Ca troppu est dolorosa sa partenzia
No piangas,no istes affannosu
Resignadi a sa legge cun passenzia
Permittat sa Divina Onnipotenzia
Chi torres sanu e vittoriosu
Che Garibaldi su Nizzardu eroe
Prosper'è sanu comente ses oe
                POETA PIRASTRU (1911)

Dopo l'assegnazione del reparto alla Brigata SASSARI, il primo Dicembre 2009 è arrivata nella Caserma "Salvatore Pisano di Capo Teulada la Bandiera di Guerra del 3° Reggi-mento Bersaglieri, la più decorata dell'Esercito Italiano.  Ecco come Don Peppino Lintas, parrocco di Cossoine, ha tradotto in ottave l'ingresso del Glorioso Terzo nella leggendaria Brigata "Forza Paris"

BERSAGLIERIS E BRIGATA "FORZA PARIS"
 

Sezis de su 'eranu su fiore
Bersaglieris frunidos de amistade
andende a sanare su dolore
inue b'ha bisonzu e poveltade
e cussu lu faghides cun amore
dende a su poveru una dignidade
azzendides una lughe in terra anzena
prò fagher de paghe una cadena

Cun sa Brigata gloriosa medagliada
hazis fattu cuntrattu solidale
prò tenner una terra vigilada
ue siat rapportu cordiale
puru si bos est ammanizzada
calchi risposta 'e zente ferale
eppedas coraggiu foltuna e vigore
fattendebos pinnigos cun onore
                DON PEPPINO LINTAS

 

Ottava dedicata da un soldato alla mamma
 

Non poto dubitare mamm'amada
D'esser cun fizos mios ferizzosa
E bon'educadora virtuosa
Comente sempre Tue ses'istada
De viver sana sias fortunada
Prò tenner contu fizos e isposa
Cun sa bon'isperanzia ti consola
Ca est legge prò totu,non ses sola
    POETA ANTONI CUBEDDU (1911)

SOS BERSAGLIERIS
 

Sos Bersaglieris sunu in allegria
festeggian cun orgogliu sas medaglias
a issos nara grazie e no isbaglias
ca sun sos fortes de sa Porta Pia
chi hana affrontadu timore e tribulia
che messadores postos in sas raglias
alza sa fronte e fagheli onore
sun sos soldados de grande valore.

in s'animu sun ispigu è virtude
cun s'ideale è sa patria Italiana
zeltu issos no l'hana abbandonada
ma l'han servida arrischende salude
sun su faru chi dada a tottu lughe
cun s'eroismu chi l'hana affrontada
populu sardu tenedi fieru
sos Bersaglieris han sambene abberu.

sa Brigata los hada onorados
dendeli oghe onore rispettu
los hada accoltos cun grande affettu
Bersaglieris eroes medagliados
valorosos homines soldados
cun Enrico Toti in su pettu
Bersaglieris e Brigata a coro unidu
est sa memoria chi nos hat servidu
                DON PEPPINO LINTAS